Ispaniyalik sobiq hakam Pavel Fernandes Ferran Torresning "Malyorka" darvozasiga urgan goliga munosabat bildirdi. "Barselona"ning 3:0 hisobidagi g‘alabasi bilan yakunlangan uchrashuv La Liga yangi mavsumining 1-turi doirasida bo‘lib o‘tdi.
Torres gol urishidan biroz oldin Lamin Yamalning kuchli zarbasidan so‘ng "Malyorka" himoyachisi maydonga yiqildi. Hakam o‘yinni to‘xtatmadi va golni hisobga oldi.
"Professional jamoa shunchaki to‘xtab qolgani hayratlanarli. Gol mutlaqo qonun doirasida kiritildi," - deb yozdi Fernandes ijtimoiy tarmoqdagi sahifasida.
Ushbu g‘alabadan so‘ng "Barselona" chempionat peshqadamiga aylandi.
