Испаниялик собиқ ҳакам Павел Фернандес Ферран Торреснинг "Мальорка" дарвозасига урган голига муносабат билдирди. "Барселона"нинг 3:0 ҳисобидаги ғалабаси билан якунланган учрашув Ла Лига янги мавсумининг 1-тури доирасида бўлиб ўтди.
Торрес гол уришидан бироз олдин Ламин Ямалнинг кучли зарбасидан сўнг "Мальорка" ҳимоячиси майдонга йиқилди. Ҳакам ўйинни тўхтатмади ва голни ҳисобга олди.
"Профессионал жамоа шунчаки тўхтаб қолгани ҳайратланарли. Гол мутлақо қонун доирасида киритилди," - деб ёзди Фернандес ижтимоий тармоқдаги саҳифасида.
Ушбу ғалабадан сўнг "Барселона" чемпионат пешқадамига айланди.
