Yaqinda "Napoli" forvardi Romelu Lukaku "Olimpiakos"ga qarshi o‘rtoqlik o‘yinida sonidan jarohat oldi. Shu sababli, Italiya jamoasi rahbariyati belgiyalik futbolchi o‘rniga faol tarzda hujumchi qidirmoqda. Bu haqda jurnalist Janluka di Marsio xabar bermoqda.
Manbaga ko‘ra, "Napoli" Lukakuning jarohati avval taxmin qilinganidan ham jiddiyroq ekaniga ishonmoqda. Hujumchi ikki haftadan uch oygacha safdan chiqishi mumkin. Shuning uchun ham jamoa transfer oynasi yopilgunga qadar markaziy hujumni kuchaytirishi kerak.
Joriy yozda neapolliklar safini hujumchilar Jovanni Simeone va Jakomo Raspadori tark etdi.
A Seriyaning yangi mavsumi 23 avgust kuni start oladi.
