Яқинда "Наполи" форварди Ромелу Лукаку "Олимпиакос"га қарши ўртоқлик ўйинида сонидан жароҳат олди. Шу сабабли, Италия жамоаси раҳбарияти бельгиялик футболчи ўрнига фаол тарзда ҳужумчи қидирмоқда. Бу ҳақда журналист Жанлука ди Марцио хабар бермоқда.

Манбага кўра, "Наполи" Лукакунинг жароҳати аввал тахмин қилинганидан ҳам жиддийроқ эканига ишонмоқда. Ҳужумчи икки ҳафтадан уч ойгача сафдан чиқиши мумкин. Шунинг учун ҳам жамоа трансфер ойнаси ёпилгунга қадар марказий ҳужумни кучайтириши керак.

Жорий ёзда неаполликлар сафини ҳужумчилар Жованни Симеоне ва Жакомо Распадори тарк этди.

А Сериянинг янги мавсуми 23 август куни старт олади.