Shu kunlarda Qozog‘istonning Chimkent shahrida o‘q otish sporti turlari bo‘yicha yoshlar va kattalar o‘rtasida Osiyo chempionati bo‘lib o‘tmoqda.
29 mamlakatdan 756 nafar sportchi ishtirok etayotgan musobaqaning bugungi bellashuvlarida O‘zbekiston terma jamoasi dastlabki medaliga sazovor bo‘ldi.
Yoshlar o‘rtasida kechgan 10 metrdan pnevmatik to‘pponchadan otish dasturida hamyurtmiz Ilhombek Obidjonov kumush medalga sazovor bo‘ldi. Merganimiz faqatgina hal qiluvchi pallada hindistonlik raqibiga imkoniyatni boy berdi.
