"Barselona" va Frenki de Yong shartnomani uzaytirish ustida ishlamoqda.
Kecha futbolchining yangi agenti Sebastyan Ladura kelishuvni uzaytirishni tezlashtirish maqsadida klub sport direktori Deku bilan uchrashdi, deb xabar beradi Diario Sport.
Tomonlar o‘rtasida ajoyib o‘zaro tushunish mavjud, chunki de Yong qolishni xohlaydi va 1 sentyabrgacha kelishuvga erishish imkoniyati istisno etilmaydi.
Yarim himoyachi pandemiya tufayli to‘lanmagan maosh bo‘yicha barcha qarzdorlikni olishi kerak. Niderlandiyalikning avvalgi agenti bu to‘lovlarni kechiktirish masalasini muhokama qilishdan bosh tortdi va har qanday kelishuvni blokladi, shuning uchun futbolchi "Barselona" bilan xayrlashmaslik uchun vakilini almashtirishga qaror qildi.
Endi klub Frenkiga bu mavsumda to‘lanishi kerak bo‘lgan mablag‘ning bir qismini keyingi mavsumlarga taqsimlash uchun kechiktirishni rejalashtirmoqda. Bu joriy mavsumda maoshlarni sezilarli darajada tejash imkonini beradi va 1:1 qoidasiga erishish va futbolchilarni ro‘yxatdan o‘tkazish uchun muhim ahamiyatga ega bo‘ladi.
El Chiringuito TV xabariga ko‘ra, futbolchining yangi shartnomasi yana bir yilga uzaytirish imkoniyati bilan 2028 yilgacha mo‘ljallangan. U soliqlar to‘langandan keyin 9 million yevro maosh olishni ko‘zda tutadi.
Muzokaralar muvaffaqiyatli ketmoqda va "Barselona" bu masalani imkon qadar tezroq yopishga umid qilmoqda.
