"Liverpul" bosh murabbiyi Arne Slotga Aleksandr Isak haqida yangi savol berishdi.
"Nyukasl" hujumchisi dushanba kuni bo‘lib o‘tgan "qizillar"ga qarshi o‘yinni o‘tkazib yubordi. Uchrashuv mersisaydliklarning 3:2 hisobidagi g‘alabasi bilan yakunlandi.
O‘yin tugagach, jurnalistlar Slotdan Isak bo‘yicha "hakkalar" bilan muzokaralar qayta boshlanishini kutayotgani yoki yo‘qligini so‘rashdi.
"O‘ylaymanki, hozir biz bu haqda emas, balki Yugo Ekitikening biz uchun urgan navbatdagi goli haqida gapirishimiz kerak - aks holda bu unga nisbatan adolatsizlik bo‘ladi", - deya niderlandiyalik mutaxassis so‘zlarini keltiradi Anfield Sector.
