La Liga "Real Ovyedo" muxlislarining xatti-harakatlaridan shikoyat qildi.

Asturiya klubi La Liganing 2-turida o‘z maydonida "Real"ga 0:3 hisobida imkoniyatni boy berdi. O‘yindan so‘ng La Liga mezbon muxlislarning xatti-harakati yuzasidan Ispaniya Qirollik futbol federasiyasi (RFEF) Raqobat qo‘mitasi va zo‘ravonlik, irqchilik, ksenofobiya va sportdagi murosasizlikka qarshi kurash komissiyasiga shikoyat bilan murojaat qildi.

Bu o‘yinda "Ovyedo" muxlislari Ispaniya bosh vazirini haqorat qilib, "Pedro Sanches – fohishaning o‘g‘li" deya hayqirishdi. Ular, shuningdek, "Puta Real Madrid" (puta so‘zi ispanchada "fohisha" degan ma’noni anglatadi) deb baqirishdi.

Mezbon muxlislar ham mehmon qanot himoyachisi Vinisius Juniorga nisbatan "Ahmoq, ahmoq" deb hayqirishdi.