Ла Лига "Реал Овьедо" мухлисларининг хатти-ҳаракатларидан шикоят қилди.
Астурия клуби Ла Лиганинг 2-турида ўз майдонида "Реал"га 0:3 ҳисобида имкониятни бой берди. Ўйиндан сўнг Ла Лига мезбон мухлисларнинг хатти-ҳаракати юзасидан Испания Қироллик футбол федерацияси (RFEF) Рақобат қўмитаси ва зўравонлик, ирқчилик, ксенофобия ва спортдаги муросасизликка қарши кураш комиссиясига шикоят билан мурожаат қилди.
Бу ўйинда "Овьедо" мухлислари Испания бош вазирини ҳақорат қилиб, "Педро Санчес – фоҳишанинг ўғли" дея ҳайқиришди. Улар, шунингдек, "Puta Real Madrid" (пута сўзи испанчада "фоҳиша" деган маънони англатади) деб бақиришди.
Мезбон мухлислар ҳам меҳмон қанот ҳимоячиси Винисиус Жуниорга нисбатан "Аҳмоқ, аҳмоқ" деб ҳайқиришди.
