O‘zbekiston terma jamoasi yarim himoyachisi Jamshid Iskanderov ertaga bo‘lib o‘tadigan O‘monga qarshi o‘yin oldidan O‘FA matbuot xizmatiga o‘z fikrlarini bildirdi.

"Yaxshi tayyorgarlik ko‘rmoqdamiz, yigitlar ham sekin-asta qo‘shilmoqda. Maqsadimiz ertaga chiroyli o‘yin ko‘rsatib, muxlislarni xursand qilamiz. 

Milliy futbol markazidagi sharoitlar yaxshi. Bunday infratuzilma kerak deb o‘ylayman. 

Mashg‘ulot jarayonlarida 5 talik ham, 4 talik sxema ham qo‘llanildi. Hujumkor o‘ynaymiz, har bir raqibni hurmat qilish lozim. Har bir o‘yinga yuz foiz tayyorgarlik ko‘rib g‘alaba uchun maydonga chiqamiz",- deydi Jamshid Iskanderov.