Londonning "Arsenal" klubi bosh murabbiyi Mikel Arteta jamoasiga yangi kelgan Eberechi Ezeni "kanonirlar" safida to‘p tepgan hujum chizig‘idagi yana ikki nomdor futbolchi bilan taqqosladi.
"Ularda (Tomas Rosiski va Santi Kasorlada) to‘pni his qilish boshqacha. Hamma narsa silliq va ravon harakatlanadi. Ularni kuzatish yoqimli edi. Ebere [Eze]da, shubhasiz, bu iste’dod bor," - deya Artetaning so‘zlarini keltiradi "kanonirlar" matbuot xizmati.
Eslatib o‘tamiz, Eze o‘tgan dam olish kunlari "Arsenal"ga o‘tgan edi. Ingliz "kanonirlar" tarixidagi eng qimmat xaridlardan biriga, shuningdek, "Kristal Pelas" tarixidagi eng qimmat sotuvga aylandi.













