"Atalanta" hujumchisi Ademola Lukman yozda "Bavariya"ga o‘tmaydi. Bu haqda insayder Florian Plettenberg X ijtimoiy tarmog‘ida xabar berdi.
Avvalroq Myunxen klubi futbolchini sotib olish huquqi bilan ijaraga olish taklifi bilan chiqqandi, ammo kelishuv amalga oshmaydi.
Lukman Angliyaning "Charlton" jamoasi tarbiyalanuvchisi bo‘lib, "Atalanta"ga o‘tgunga qadar "Everton", "Fulxem", "Lester" va "Leypsig"da o‘ynagan. Ademola o‘tgan mavsumda 40 ta o‘yinda maydonga tushib, 20 ta gol urdi va 7 ta golli uzatmani amalga oshirdi. Uning "Atalanta" bilan shartnomasi 2027 yilning yoziga qadar mo‘ljallangan va uning bozor qiymati 60 million yevroga baholanmoqda.













