"Аталанта" ҳужумчиси Адемола Лукман ёзда "Бавария"га ўтмайди. Бу ҳақда инсайдер Флориан Плеттенберг Х ижтимоий тармоғида хабар берди.
Аввалроқ Мюнхен клуби футболчини сотиб олиш ҳуқуқи билан ижарага олиш таклифи билан чиққанди, аммо келишув амалга ошмайди.
Лукман Англиянинг "Чарлтон" жамоаси тарбияланувчиси бўлиб, "Аталанта"га ўтгунга қадар "Эвертон", "Фулхэм", "Лестер" ва "Лейпциг"да ўйнаган. Адемола ўтган мавсумда 40 та ўйинда майдонга тушиб, 20 та гол урди ва 7 та голли узатмани амалга оширди. Унинг "Аталанта" билан шартномаси 2027 йилнинг ёзига қадар мўлжалланган ва унинг бозор қиймати 60 миллион еврога баҳоланмоқда.
