Ispaniyaning “Jirona” klubiga yangi kelgan Vladislav Vanat Ukraina chempionati saviyasiga baho berdi.

Bu haqda futbolchi klub matbuot xizmatiga bergan izohida aytib o‘tdi.

Hujumchi urushning Ukraina futboliga salbiy ta’sirini ta’kidladi. Shunga qaramay, u kelajakka ishonadi.

"Hozir, menimcha, u unchalik yaxshi saviyada emas, chunki bizda urush bor. Bunday vaziyatda o‘ynash qiyin.

Hozir ko‘plab yangi klublar va yaxshi jamoalar paydo bo‘lmoqda. O‘ylaymanki, ikki-uch yildan keyin hammasi yaxshilanishi mumkin", — dedi Vanat.

Eslatib o‘tamiz, ukrainalik futbolchining shartnomasi 2030 yilgacha mo‘ljallangan. Yangi klubida Vladislav 19-raqam ostida o‘ynaydi.

Ispaniya klubi transferning moliyaviy tafsilotlarini aytmayapti, biroq avvalroq "Jirona" Vanatning 20 million yevrolik bandini faollashtirishi haqida ma’lumot paydo bo‘lgandi.