Belgiyalik darvozabon Senne Lammens "Antverpen" o‘rniga "Manchester Yunayted"ga o‘tdi.
Mail Sport’ga ma’lum bo‘lishicha, yozgi transferlar vaqtida Lammensni "Aston Villa" o‘z safiga qo‘shib olmoqchi bo‘lgan va u belgiyaliklar bilan darvozabonni 21 million yevroga sotib olish bo‘yicha kelishuvga erishgan. Biroq keyinchalik Lammens Unai Emeri jamoasiga o‘tishdan bosh tortdi va "Manchester Yunayted"ni tanladi.
Darvozabon "qizil iblislar" bilan 2030 yilgacha mo‘ljallangan mehnat shartnomasini imzoladi. Futbolchining ingliz grandidagi debyuti 14 sentyabr kuni bo‘lib o‘tishi mumkin. Shu kuni Ruben Amorim jamoasi APL 4-turi doirasida "Manchester Siti" mehmoni bo‘ladi.













