Бельгиялик дарвозабон Сенне Ламменс "Антверпен" ўрнига "Манчестер Юнайтед"га ўтди.
Mail Sport’га маълум бўлишича, ёзги трансферлар вақтида Ламменсни "Астон Вилла" ўз сафига қўшиб олмоқчи бўлган ва у бельгияликлар билан дарвозабонни 21 миллион еврога сотиб олиш бўйича келишувга эришган. Бироқ кейинчалик Ламменс Унаи Эмери жамоасига ўтишдан бош тортди ва "Манчестер Юнайтед"ни танлади.
Дарвозабон "қизил иблислар" билан 2030 йилгача мўлжалланган меҳнат шартномасини имзолади. Футболчининг инглиз грандидаги дебюти 14 сентябрь куни бўлиб ўтиши мумкин. Шу куни Рубен Аморим жамоаси АПЛ 4-тури доирасида "Манчестер Сити" меҳмони бўлади.













