"Nyukasl" yangi rejalashtirilmagan sotuvlardan qochishga umid qilmoqda. "Qarg‘alar" Aleksandr Isakni olib qolish uchun jon-jahdi bilan harakat qildi, ammo u o‘z aytganida turib oldi va baribir "Liverpul"ga o‘tishga erishdi. Shved futbolchisi rahbariyatni sotuvni ma’qullashga majbur qilish uchun mashq qilish va o‘ynashdan bosh tortdi. iPaper xabariga ko‘ra, "Nyukasl" bosslari boshqa muhim futbolchilar bilan bunday holat takrorlanmasligiga umid qilmoqda, shuning uchun ular allaqachon Sandro Tonali va Sven Botman bilan shartnomani uzaytirishni rejalashtirgan.

Aleksandr Isakning transferi "Liverpul"ga bonuslardan tashqari 144 mln yevroga tushdi. Hujumchini sotishdan katta mablag‘ tushgan bo‘lsa-da, "Nyukasl"dagilar yuzaga kelgan vaziyatdan norozi.