"Ньюкасл" янги режалаштирилмаган сотувлардан қочишга умид қилмоқда. "Қарғалар" Александр Исакни олиб қолиш учун жон-жаҳди билан ҳаракат қилди, аммо у ўз айтганида туриб олди ва барибир "Ливерпуль"га ўтишга эришди. Швед футболчиси раҳбариятни сотувни маъқуллашга мажбур қилиш учун машқ қилиш ва ўйнашдан бош тортди. iPaper хабарига кўра, "Ньюкасл" босслари бошқа муҳим футболчилар билан бундай ҳолат такрорланмаслигига умид қилмоқда, шунинг учун улар аллақачон Сандро Тонали ва Свен Ботман билан шартномани узайтиришни режалаштирган.
Александр Исакнинг трансфери "Ливерпуль"га бонуслардан ташқари 144 млн еврога тушди. Ҳужумчини сотишдан катта маблағ тушган бўлса-да, "Ньюкасл"дагилар юзага келган вазиятдан норози.
