Darvozabon Janluiji Donnarumma yangi klubi - "Manchester Siti" haqida fikr bildirdi. Italiyalik futbolchi yozgi transferlar oynasi yopilishi oldidan "Pari Sen-Jermen"dan "shaharliklar" safiga qo‘shildi. 26 yoshli futbolchining ingliz grandi bilan shartnomasi 2030 yilning yarmigacha mo‘ljallangan.
"Manchester Siti" - dunyoning eng yaxshi klubi. Meni jamoada ko‘rishni juda xohlashgani faxr bag‘ishlaydi, bu hissiy va baxtli lahza," - deya Donnarummaning so‘zlarini keltiradi Football Italia.
Darvozabonning transferi "Manchester Siti"ga 30 mln yevroga tushgan. Futbolchi "PSJ" safida to‘rt yil davomida to‘p surgan.













