Дарвозабон Жанлуижи Доннарумма янги клуби - "Манчестер Сити" ҳақида фикр билдирди. Италиялик футболчи ёзги трансферлар ойнаси ёпилиши олдидан "Пари Сен-Жермен"дан "шаҳарликлар" сафига қўшилди. 26 ёшли футболчининг инглиз гранди билан шартномаси 2030 йилнинг ярмигача мўлжалланган.
"Манчестер Сити" - дунёнинг энг яхши клуби. Мени жамоада кўришни жуда хоҳлашгани фахр бағишлайди, бу ҳиссий ва бахтли лаҳза," - дея Доннарумманинг сўзларини келтиради Football Italia.
Дарвозабоннинг трансфери "Манчестер Сити"га 30 млн еврога тушган. Футболчи "ПСЖ" сафида тўрт йил давомида тўп сурган.
