O‘tmishda mashhur bo‘lgan futbolchi Robinyo panjara ortida qolishda davom etadi. Braziliyaning Goal portali Braziliyaning CNN telekanaliga tayanib xabar berishicha, Braziliya Oliy sudi ko‘pchilik ovoz bilan (10 ga qarshi 1) 41 yoshli Robinyoning hukmni bekor qilish bo‘yicha apellyasiyasini rad etgan.
Robino avvalroq albaniyalik qizni guruh bo‘lib zo‘rlagani uchun to‘qqiz yillik qamoq jazosiga hukm qilingan edi. Shov-shuvli voqea 2013 yilda Milandagi tungi klubda sodir bo‘lgan edi. Shu bilan birga, braziliyalik har doim o‘zining aybsizligini ta’kidlagan.
Futbolchilik faoliyati davomida Robinyo "Santos", "Real", "Manchester Siti" va boshqa jamoalarda o‘ynagan.
