Ўтмишда машҳур бўлган футболчи Робиньо панжара ортида қолишда давом этади. Бразилиянинг Goal портали Бразилиянинг CNN телеканалига таяниб хабар беришича, Бразилия Олий суди кўпчилик овоз билан (10 га қарши 1) 41 ёшли Робиньонинг ҳукмни бекор қилиш бўйича апелляциясини рад этган.
Робино аввалроқ албаниялик қизни гуруҳ бўлиб зўрлагани учун тўққиз йиллик қамоқ жазосига ҳукм қилинган эди. Шов-шувли воқеа 2013 йилда Миландаги тунги клубда содир бўлган эди. Шу билан бирга, бразилиялик ҳар доим ўзининг айбсизлигини таъкидлаган.
Футболчилик фаолияти давомида Робиньо "Сантос", "Реал", "Манчестер Сити" ва бошқа жамоаларда ўйнаган.
