Argentina terma jamoasi forvardi Lionel Messi bo‘lajak jahon chempionati haqida fikr bildirdi.
"Albiseleste" saralash bosqichi so‘nggi turidan oldingi bahsda Venesuela terma jamoasi ustidan yirik hisobda g‘alaba qozondi (3:0). Messi dubl qayd etdi, uchrashuv yakunlangach esa muxlislar bilan xayrlashdi - ko‘rinishidan bu 38 yoshli futbolchining milliy jamoadagi so‘nggi uy uchrashuvi bo‘ldi.
"Men hali jahon chempionati bo‘yicha yakuniy qarorga kelganim yo‘q. Yoshimni hisobga olsak, tarkibda bo‘lmasligim mantiqan to‘g‘ri bo‘ladi. Ammo biz kundan-kunga, o‘yindan-o‘yinga oldinga boramiz," - dedi Messi Venesuela ustidan qozonilgan g‘alabadan keyin bergan intervyusida.
