Аргентина терма жамоаси форварди Лионель Месси бўлажак жаҳон чемпионати ҳақида фикр билдирди.
"Альбиселесте" саралаш босқичи сўнгги туридан олдинги баҳсда Венесуэла терма жамоаси устидан йирик ҳисобда ғалаба қозонди (3:0). Месси дубль қайд этди, учрашув якунлангач эса мухлислар билан хайрлашди - кўринишидан бу 38 ёшли футболчининг миллий жамоадаги сўнгги уй учрашуви бўлди.
"Мен ҳали жаҳон чемпионати бўйича якуний қарорга келганим йўқ. Ёшимни ҳисобга олсак, таркибда бўлмаслигим мантиқан тўғри бўлади. Аммо биз кундан-кунга, ўйиндан-ўйинга олдинга ҳаракат қиламиз," - деди Месси Венесуэла устидан қозонилган ғалабадан кейин берган интервьюсида.
