Germaniya futbol ittifoqi direktori lavozimida ishlab kelayotgan Rudi Fyoller Germaniya terma jamoasining Slovakiyaga yutqazgani (0:2) haqida gapirdi.
Yulian Nagelsmann jamoasi 2026 yilgi jahon chempionati saralash bosqichi 1-turida Bratislavada mag‘lubiyatga uchradi.
"Bu shunchaki hafsalani pir qiladigan emas, balki jonsiz o‘yin edi. Ikkinchi bo‘lim biroz yaxshi o‘tdi, ammo baribir yetarlicha yaxshi emas. O‘yinchilar o‘z klublarida bo‘lgani kabi yakkakurashlarga kirishlari va g‘alaba qozonishlari kerak. Bu futbolning asoslari. Agar shunday qilinmasa, bizni juda achchiq ko‘ngilsizlik kutmoqda," - deya Fyollerning so‘zlarini keltiradi Bayern & Germany.
