Германия футбол иттифоқи директори лавозимида ишлаб келаётган Руди Фёллер Германия терма жамоасининг Словакияга ютқазгани (0:2) ҳақида гапирди.
Юлиан Нагельсманн жамоаси 2026 йилги жаҳон чемпионати саралаш босқичи 1-турида Братиславада мағлубиятга учради.
"Бу шунчаки ҳафсалани пир қиладиган эмас, балки жонсиз ўйин эди. Иккинчи бўлим бироз яхши ўтди, аммо барибир етарлича яхши эмас. Ўйинчилар ўз клубларида бўлгани каби яккакурашларга киришлари ва ғалаба қозонишлари керак. Бу футболнинг асослари. Агар шундай қилинмаса, бизни жуда аччиқ кўнгилсизлик кутмоқда," - дея Фёллернинг сўзларини келтиради Bayern & Germany.
