Edersonning fikricha, u va "Manchester Siti" Angliya futboli tarixiga kirgan.
Bugun darvozabon ingliz klubi muxlislari bilan xayrlashdi. U Turkiyaning "Fenerbaxche" klubiga o‘tmoqda.
"Sakkiz mavsumda oltita Premyer-liga chempionligi - menimcha, bu aql bovar qilmaydi. Boshqa hech bir klub ketma-ket to‘rtta chempionlikni qo‘lga kiritmagan. Biz tarixga kirdik, jamoa tarixga kirdi. Futbolchilar, xodimlar, butun klub tarixga kirdi.
Men Manchesterga juda yoshligimda va bu futbolkani kiyishga katta ishtiyoq bilan kelganman. Men qattiq ishlashga, borimni berishga va sovrinlarni qo‘lga kiritish uchun kattalar tajribasidan foydalanishga qaror qildim. Barcha orzularimiz amalga oshdi va men bu lahzalardan juda xursandman.
Sakkiz yildan keyin jamoadan ketish qiyin - bu katta stress, lekin men baxtliman. Bu men va oilam uchun eng yaxshi yechim," - dedi Ederson.
