"Manchester Yunayted" markaziy himoyachisi Matteys de Ligt "Milan"ning qiziqish markazida bo‘lib turibdi.
“Rossonerilar” o‘tgan yozda niderlandiyalik futbolchini qo‘lga kiritish haqida o‘ylashgandi. Milan Posts xabariga ko‘ra, italyan klubi 26 yoshli futbolchi haqida surishtiruv o‘tkazgan, ammo "qizil iblislar" juda yuqori narx belgilab qo‘ygani uchun uni qo‘lga kiritish fikridan tezda voz kechgan.
Transfermarkt Matteys de Ligtning narxini 38 million yevroga baholamoqda va uning "Manchester Yunayted" bilan shartnomasi 2029 yilgacha amal qiladi.













