6 sentyabr kuni Samarqandda sobiq futbolchi Muhsin Muhammadiyevni qo‘llab-quvvatlash maqsadida “Dinamo” hamda O‘zbekiston milliy jamoasi sobiq yulduzlari ishtirokidagi “Muhsin, biz sen bilan” xayriya o‘yini o‘tkazildi.

Qiziqarli o‘tgan bahs kutilganidek gollarga boy o‘tdi. “Dinamochilar”dan Ja’far Irismetov dublga erishgan bo‘lsa, Bahodir Nasimov va Hamdam Rahmonov ham Ignatiy Nesterov darvozasini ishg‘ol etdi.

O‘zbek futboli sobiq yulduzlaridan esa Leonid Koshelev, Azamat Abduraimov, G‘ulom Halimtoyev va Akmal Xolmatov gollarga mualliflik qildi – 4:4.

O‘yindan keyin barcha futbolchilar, murabbiylar va xayriya o‘yini ishtirokchilari esdalik suratga tushishdi. Xayriya o‘yinidan tushgan mablag‘lar Moskvada davolanayotgan Muhsin Muhammadiyevga yetkaziladi.

Xayriya o‘yini. 6 sentyabr
“Dinamo” – O‘zbekiston milliy jamoasi afsonalari – 4:4
Gollar: Ja’far Irismetov 28, 55, Bahodir Nasimov 34, Hamdam Rahmonov 66 – Leonid Koshelev 23, Akmal Xolmatov 38, Azamat Abduraimov 45 penaltidan, G‘ulom Halimtoyev 60.
“Dinamo”: Shuhrat Murodov (A.Muhammedov), Uchqun Qobilov (Hakimxon A’lamxonov), Artyom Filiposyan (Rafael Balasanyan), Sherzod Sharipov, Dilshod Sharofutdinov, Elbek Musayev (Nuriddin Amriyev), Ilhom Yunusov, Shuhrat Jabborov (Tohir Mo‘minov), Bahodir Nasimov, Ja’far Irismetov.
Murabbiylar: Hakim Fuzaylov, Ilhom Sharipov.
O‘zbekiston MTJ afsonalari: Ignatiy Nesterov (E.Lyumanov), Marat Ismoilov (Rustam Zabirov), Farhod Magometov (Aziz Ibragimov), Baxtiyor Ashurmatov, G‘ulom Halimtoyev (Akmal Xolmatov), Leonid Koshelev, Aleksey Yevstafeev (Pavel Solomin), Ravshan Bozorov (Rustam Do‘rmonov), Ulug‘bek Baqoyev, Azamat Abduraimov, Shuhrat Maqsudov.
Bosh murabbiy: Birodar Abduraimov