"Yuventus" o‘tgan yozda yarim himoyachi Kefren Tyuramni sotishi mumkin edi.

Ismi oshkor etilmagan Saudiya klubi fransiyalik futbolchi uchun 40-50 million yevro to‘lashga tayyor edi, deb xabar beradi Tuttosport.

24 yoshli futbolchining o‘ziga hozirgisidan 4 barobar ko‘p maosh va’da qilingan, biroq yarim himoyachi bunga qiziqish bildirmagan va ikkilanmasdan rad javobini bergan. Kefren Tyuram "Yuventus"ga katta foyda keltira olishini his qilmoqda va jamoa bilan Skudettoni qo‘lga kiritmoqchi.

Futbolchiga "PSJ" ham qiziqish bildirmoqda va kelasi yildan transfer ustida ish boshlashi mumkin.