"Ювентус" ўтган ёзда ярим ҳимоячи Кефрен Тюрамни сотиши мумкин эди.
Исми ошкор этилмаган Саудия клуби франциялик футболчи учун 40-50 миллион евро тўлашга тайёр эди, деб хабар беради Tuttosport.
24 ёшли футболчининг ўзига ҳозиргисидан 4 баробар кўп маош ваъда қилинган, бироқ ярим ҳимоячи бунга қизиқиш билдирмаган ва иккиланмасдан рад жавобини берган. Кефрен Тюрам "Ювентус"га катта фойда келтира олишини ҳис қилмоқда ва жамоа билан Скудеттони қўлга киритмоқчи.
Футболчига "ПСЖ" ҳам қизиқиш билдирмоқда ва келаси йилдан трансфер устида иш бошлаши мумкин.
