"Yuventus" markaziy himoyachisi Gleyson Bremer yangi jamoadoshi Lui Openda haqida gapirdi.

Belgiyalik hujumchi yozgi transferlar oynasi yopilishi oldidan "Byankonerilar" safiga qo‘shildi va "RB Leypsig"dan sotib olish sharti bilan ijaraga o‘tdi.

Bremer o‘tgan yili Chempionlar ligasi doirasida "RB Leypsig"ga qarshi o‘yinda Openda bilan to‘qnashib ketib, og‘ir jarohat olgandi.

"O‘sha o‘yindan keyin u menga jarohat yetkazishni istamagani haqida yozdi, uzr so‘radi. Bu shunchaki baxtsiz hodisa, bunday holatlar bo‘lib turadi. Endi u bilan bir jamoada o‘ynash imkoniyatini intiqlik bilan kutyapman. Balki u yana kechirim so‘rar," - deya Bremerning so‘zlarini keltiradi Italiya OAV.