"Ювентус" марказий ҳимоячиси Глейсон Бремер янги жамоадоши Луи Опенда ҳақида гапирди.
Бельгиялик ҳужумчи ёзги трансферлар ойнаси ёпилиши олдидан "Бьянконерилар" сафига қўшилди ва "РБ Лейпциг"дан сотиб олиш шарти билан ижарага ўтди.
Бремер ўтган йили Чемпионлар лигаси доирасида "РБ Лейпциг"га қарши ўйинда Опенда билан тўқнашиб кетиб, оғир жароҳат олганди.
"Ўша ўйиндан кейин у менга жароҳат етказишни истамагани ҳақида ёзди, узр сўради. Бу шунчаки бахтсиз ҳодиса, бундай ҳолатлар бўлиб туради. Энди у билан бир жамоада ўйнаш имкониятини интиқлик билан кутяпман. Балки у яна кечирим сўрар," - дея Бремернинг сўзларини келтиради Италия ОАВ.
