Аргентиналик ҳужумчи Хулиан Альварес Мадриднинг «Атлетико» клубини Лондоннинг «Арсенал»ига алмаштириши мумкин. Бу ҳақда TEAMtalk хабар бермоқда.
Манба маълумотларига кўра, «матрасчилар» раҳбарияти Альвареснинг атрофидагиларга ёзги трансферлар ойнасида футболчини қўйиб юборишга тайёр эканликларини билдиришган, бироқ бу ерда бир муҳим жиҳат бор. «Атлетико» ўз рақибларини кучайтирмаслик учун уни «Барселона» ёки «Реал»га сотмайди. Қайд этилишича, Альвареснинг фаолиятини давом эттириши учун мумкин бўлган вариант сифатида «Арсенал» кўрилмоқда.
Альвареснинг ўзига Англия Премьер-лигасига кўчиб ўтиш варианти қизиқ, аммо айни дамда ҳужумчи учун устувор мақсад «Барселона» бўлиб қолмоқда.
