"Barselona" hujumkor yarim himoyachisi Dani Olmo joriy mavsumni samarali o‘tkazishga umid qilmoqda. 27 yoshli futbolchi o‘z oldiga maqsad qo‘ygan - u bir mavsumda kamida 20 ta gol urmoqchi, deb yozadi Sport. Dastlabki uchta o‘yindan so‘ng ispaniyalik futbolchining hisobida hech qanday natija yo‘q.

O‘tgan mavsumda Dani Olmo "ko‘k-anorranglilar" safida barcha musobaqalarda 39 ta o‘yinda 12 ta gol va yettita golli uzatmaga mualliflik qilgan. "RB Leypsig"ning sobiq futbolchisi o‘zining universalligi bilan mashhur: u hujum qanotlarida, hujumchi ostida va soxta "to‘qqizlik" sifatida o‘ynashga qodir.

14 sentyabr kuni Xans-Diter Flik jamoasi La Liga 4-turi doirasida o‘z maydonida "Valensiya"ga qarshi bahs olib boradi.