"Барселона" ҳужумкор ярим ҳимоячиси Дани Ольмо жорий мавсумни самарали ўтказишга умид қилмоқда. 27 ёшли футболчи ўз олдига мақсад қўйган - у бир мавсумда камида 20 та гол урмоқчи, деб ёзади Sport. Дастлабки учта ўйиндан сўнг испаниялик футболчининг ҳисобида ҳеч қандай натижа йўқ.
Ўтган мавсумда Дани Ольмо "кўк-анорранглилар" сафида барча мусобақаларда 39 та ўйинда 12 та гол ва еттита голли узатмага муаллифлик қилган. "РБ Лейпциг"нинг собиқ футболчиси ўзининг универсаллиги билан машҳур: у ҳужум қанотларида, ҳужумчи остида ва сохта "тўққизлик" сифатида ўйнашга қодир.
14 сентябрь куни Ханс-Дитер Флик жамоаси Ла Лига 4-тури доирасида ўз майдонида "Валенсия"га қарши баҳс олиб боради.
