Italiya terma jamoasida texnik murabbiy lavozimini egallab kelayotgan Leonardo Bonuchchi jamoaning istiqboli haqida o‘z fikrlari bilan o‘rtoqlashdi.

Mutaxassis o‘z lavozimini iyun oyida boshlagan - u Luchano Spaletti o‘rniga kelgan Jennaro Gattuzo murabbiylar shtabiga qo‘shilgan edi.

"Biz hammasini boshidan boshlashimiz, maydonda ishtiyoq va kurashga bo‘lgan ishtiyoqni qaytarishimiz kerak.

Gattuzoning kelishi futbolchilarga kuch berdi. Biz bu yo‘lda davom etamiz va jahon chempionatiga chiqamiz deb ishonamiz", - dedi "Yuventus"ning sobiq himoyachisi.