Lukas Paketa "Vest Xem" muxlislarini ranjitib, bu mavsum uning uchun klubdagi so‘nggi mavsum bo‘lishini e’lon qildi. Tegishli matnni o‘yinchi o‘zining ijtimoiy tarmoqlariga joylashtirdi.

Braziliyalik futbolchi kelishilgan o‘yinlar bo‘yicha oqlanganidan keyin yana yorqin o‘yin ko‘rsata boshladi. U klub safida 3 ta o‘yinda 2 ta gol urdi va Braziliya terma jamoasi safida Chili darvozasiga gol urdi. Eslatib o‘tamiz, tergov 2 yil davom etdi va futbolchining "Manchester Siti"ga o‘tishi barbod bo‘lishiga sabab bo‘ldi.

Paketa klubdoshlari va "bolg‘achilar" xodimlariga qo‘llab-quvvatlaganliklari uchun minnatdorchilik bildirdi.

"Gap seni qabul qilgan va qoralamagan, so‘nggi daqiqagacha senga ishongan, sevgan va o‘zini uyidagidek his qilishga majbur qilganlarni tanlash haqida ketmoqda. Hali xayrlashish vaqti emas! Yana bir mavsumni birga o‘tkazamiz!" - deb yozdi futbolchi.

Fabrisio Romanoning ma’lum qilishicha, Paketa ushbu transfer oynasida klubini o‘zgartirishiga yaqin kelgandi. 28 yoshli braziliyalik futbolchining xizmatlariga "Aston Villa" klubi qiziqish bildirgan.