Лукас Пакета "Вест Хэм" мухлисларини ранжитиб, бу мавсум унинг учун клубдаги сўнгги мавсум бўлишини эълон қилди. Тегишли матнни ўйинчи ўзининг ижтимоий тармоқларига жойлаштирди.

Бразилиялик футболчи келишилган ўйинлар бўйича оқланганидан кейин яна ёрқин ўйин кўрсата бошлади. У клуб сафида 3 та ўйинда 2 та гол урди ва Бразилия терма жамоаси сафида Чили дарвозасига гол урди. Эслатиб ўтамиз, тергов 2 йил давом этди ва футболчининг "Манчестер Сити"га ўтиши барбод бўлишига сабаб бўлди.

Пакета клубдошлари ва "болғачилар" ходимларига қўллаб-қувватлаганликлари учун миннатдорчилик билдирди.

"Гап сени қабул қилган ва қораламаган, сўнгги дақиқагача сенга ишонган, севган ва ўзини уйидагидек ҳис қилишга мажбур қилганларни танлаш ҳақида кетмоқда. Ҳали хайрлашиш вақти эмас! Яна бир мавсумни бирга ўтказамиз!" - деб ёзди футболчи.

Фабрицио Романонинг маълум қилишича, Пакета ушбу трансфер ойнасида клубини ўзгартиришига яқин келганди. 28 ёшли бразилиялик футболчининг хизматларига "Астон Вилла" клуби қизиқиш билдирган.