Londonning "Arsenal" klubi vingeri Gabriel Martinelli o‘z klubidagi raqobat, shuningdek, yozda yangi futbolchilarning kelishi haqida gapirdi.
"Arsenal"da ham vaziyat terma jamoaga o‘xshaydi. Mendan tarkibda Vinisius yoki Rodrigo bo‘lgani yaxshimi, deb so‘rasangiz, ha, deb javob beraman. Ular jamoaga unvonlarni qo‘lga kiritishda yordam berishadi. Agar g‘alaba qozonishni istasak, bizga sifatli o‘yinchilar kerak. "Arsenal"da ham shunday. Eze va Maduekening kelganidan juda xursandman," - deya Martinellining so‘zlarini keltiradi Mirror.
Eslatib o‘tamiz, "Arsenal" APL 3-turidan so‘ng 6 ochko jamg‘arib, turnir jadvalida 3-o‘rinda bormoqda. Klub "MYU" (1:0) va "Lids" (5:0) ustidan g‘alaba qozongan, ammo "Liverpul"ga (0:1) mag‘lub bo‘lgan.
