Лондоннинг "Арсенал" клуби вингери Габриэль Мартинелли ўз клубидаги рақобат, шунингдек, ёзда янги футболчиларнинг келиши ҳақида гапирди.

"Арсенал"да ҳам вазият терма жамоага ўхшайди. Мендан таркибда Винисиус ёки Родриго бўлгани яхшими, деб сўрасангиз, ҳа, деб жавоб бераман. Улар жамоага унвонларни қўлга киритишда ёрдам беришади. Агар ғалаба қозонишни истасак, бизга сифатли ўйинчилар керак. "Арсенал"да ҳам шундай. Эзе ва Мадуэкенинг келганидан жуда хурсандман," - дея Мартинеллининг сўзларини келтиради Mirror.

Эслатиб ўтамиз, "Арсенал" АПЛ 3-туридан сўнг 6 очко жамғариб, турнир жадвалида 3-ўринда бормоқда. Клуб "МЮ" (1:0) ва "Лидс" (5:0) устидан ғалаба қозонган, аммо "Ливерпуль"га (0:1) мағлуб бўлган.