«Manchester Siti» klubi hujumchisi Erling Xoland APLda ketma-ket ikki mag‘lubiyatdan keyin jamoa o‘yini haqida fikr bildirdi.
Eslatib o‘tamiz, 2-turda «shaharliklar» o‘z maydonida «Tottenxem»ga 0:2 hisobida mag‘lub bo‘ldi, 3-turda esa safarda «Brayton»ga 1:2 hisobida imkoniyatni boy berdi.
«Biz ketma-ket ikki o‘yinda yutqazdik — bu yaxshi emas, juda yomon. “Yunayted”ga qarshi bahsda o‘zimizni to‘liq tiklab olishimiz ideal variant bo‘ladi. Hammamiz maksimumni ko‘rsatishimiz, harakat qilishimiz va g‘alaba qozonishimiz kerak, chunki hozircha ishlarimiz unchalik yaxshi ketmayapti», — dedi norvegiyalik hujumchi Viaplay nashriga bergan intervyusida.
Uch turdan so‘ng «Siti» 3 ochko bilan APL turnir jadvalida 13-o‘rinni egallab turibdi.
