«Манчестер Сити» клуби ҳужумчиси Эрлинг Холанд АПЛда кетма-кет икки мағлубиятдан кейин жамоа ўйини ҳақида фикр билдирди.

Эслатиб ўтамиз, 2-турда «шаҳарликлар» ўз майдонида «Тоттенхэм»га 0:2 ҳисобида мағлуб бўлди, 3-турда эса сафарда «Брайтон»га 1:2 ҳисобида имкониятни бой берди.

«Биз кетма-кет икки ўйинда ютқаздик — бу яхши эмас, жуда ёмон. “Юнайтед”га қарши баҳсда ўзимизни тўлиқ тиклаб олишимиз идеал вариант бўлади. Ҳаммамиз максимумни кўрсатишимиз, ҳаракат қилишимиз ва ғалаба қозонишимиз керак, чунки ҳозирча ишларимиз унчалик яхши кетмаяпти», — деди норвегиялик ҳужумчи Viaplay нашрига берган интервьюсида.

Уч турдан сўнг «Сити» 3 очко билан АПЛ турнир жадвалида 13-ўринни эгаллаб турибди.