«Bavariya» forvardi Nikolas Jekson myunxenliklar safida o‘ynash uning orzusi bo‘lganini ma’lum qildi.

Senegallik futbolchi 1 sentyabrda «Chelsi»dan ijara asosida yangi jamoasi bilan shartnoma imzoladi. U London klubi bilan birga Klublar o‘rtasidagi jahon chempionati g‘olibi bo‘lgan edi.

«Men asosiy tarkibda 40 ta o‘yinda ishtirok etish haqida o‘ylamayman. Faqat «Bavariya» uchun borimni berishni istayman. Ushbu jamoani umrim davomida kuzatib kelganman. Bu buyuk klubga qo‘shilish mening orzum edi», — deya futbolchining so‘zlarini Fabrisio Romano keltiradi.

Eslatib o‘tamiz, Jekson 2024/2025 yilgi mavsumda barcha musobaqalarda 37 ta o‘yin o‘tkazib, 13 ta gol urdi va 6 ta golli uzatma berdi.