«Бавария» форварди Николас Жексон мюнхенликлар сафида ўйнаш унинг орзуси бўлганини маълум қилди.

Сенегаллик футболчи 1 сентябрда «Челси»дан ижара асосида янги жамоаси билан шартнома имзолади. У Лондон клуби билан бирга Клублар ўртасидаги жаҳон чемпионати ғолиби бўлган эди.

«Мен асосий таркибда 40 та ўйинда иштирок этиш ҳақида ўйламайман. Фақат «Бавария» учун боримни беришни истайман. Ушбу жамоани умрим давомида кузатиб келганман. Бу буюк клубга қўшилиш менинг орзум эди», — дея футболчининг сўзларини Фабрицио Романо келтиради.

Эслатиб ўтамиз, Жексон 2024/2025 йилги мавсумда барча мусобақаларда 37 та ўйин ўтказиб, 13 та гол урди ва 6 та голли узатма берди.