«Manchester Yunayted»ning sport direktori va skautlar guruhi «Bavariya» markaziy himoyachisi Dayo Upamekano bilan shartnoma imzolash imkoniyatini ko‘rib chiqmoqda. Bu haqda mashhur jurnalist Kristian Falk xabar berdi.
Ma’lumot uchun, 26 yoshli fransuz futbolchisi kelasi yozda erkin agentga aylanishi mumkin. Agar myunxenliklar shartnomani uzaytirmasa, Upamekano boshqa klubga erkin asosda o‘tishi ehtimoli bor. Avvalroq futbolchiga «Real» tomonidan ham jiddiy qiziqish bildirilayotgani haqida xabarlar tarqalgandi.
Joriy mavsumda Upamekano barcha turnirlar doirasida ikki o‘yinda maydonga tushib, bir marta sariq kartochka oldi.
