«Манчестер Юнайтед»нинг спорт директори ва скаутлар гуруҳи «Бавария» марказий ҳимоячиси Дайо Упамекано билан шартнома имзолаш имкониятини кўриб чиқмоқда. Бу ҳақда машҳур журналист Кристиан Фальк хабар берди.
Маълумот учун, 26 ёшли француз футболчиси келаси ёзда эркин агентга айланиши мумкин. Агар мюнхенликлар шартномани узайтирмаса, Упамекано бошқа клубга эркин асосда ўтиши эҳтимоли бор. Аввалроқ футболчига «Реал» томонидан ҳам жиддий қизиқиш билдирилаётгани ҳақида хабарлар тарқалганди.
Жорий мавсумда Упамекано барча турнирлар доирасида икки ўйинда майдонга тушиб, бир марта сариқ карточка олди.
