Saudiya Arabistonining «Al-Ahli» klubi bosh murabbiyi Mattias Yayssle jamoasini OFK Elit Chempionlar ligasi musobaqasining 1-turida g‘alaba qozongani uchun maqtadi.

Germaniyalik mutaxassis birinchi bo‘limda jamoasi zaif o‘ynaganini tan oldi. Shu fursatdan foydalangan o‘zbekistonlik Husayn Norchayev «Nasaf» safida dubl qayd etdi. Biroq «Al-Ahli» ikkinchi taymda jonlanib, 4:2 hisobida g‘alaba qozondi.

«Uchrashuv qiyin bo‘ldi, — dedi Yayssle. — Birinchi bo‘limda biz o‘yinga kirisha olmadik va ikki gol o‘tkazdik. Lekin ikkinchi bo‘limda xarakterimizni ko‘rsatishimiz kerakligini angladik.

Jamoa hamjihatlikda muxlislar uchun o‘ynaganini ko‘rish yoqimli bo‘ldi. Futbolchilarim gol urgandagi ehtiroslarini tomosha qilishdan zavq oldim.

Albatta, har qanday zaif o‘yinning ko‘p sabablari bo‘ladi. Biz tezlikning ahamiyati haqida ko‘p gaplashdik. Shu bilan birga, muxlislarning qo‘llab-quvvatlashi g‘alabamizning eng muhim sabablaridan biri bo‘ldi».

Juma kuni ularni "Al-Ahli"ni Superliga doirasida «Al-Hilol»ga qarshi muhim bahs kutmoqda. Bir haftadan so‘ng esa Misrning «Piramids» klubiga qarshi FIFA Interkontinental kubogi o‘yini bor.

«Bugun g‘alaba qozonish biz uchun juda muhim edi, — dedi Yayssle. — Jamoaning kambek qilib, to‘rt gol urib g‘alaba qozonganidan g‘ururlanaman. Bugun muhim futbolchilarni xavf ostiga qo‘ygim kelmadi. Shuning uchun tarkibda rotasiyada qo‘l urdim».