"Chelsi" bosh murabbiyi Enso Mareska jamoaning Chempionlar ligasidagi startidan nimalar kutayotgani haqida gapirdi.
Mutaxassisning ta’kidlashicha, hozirgi bosqichda ambisiyalarga emas, balki aniq natijalarga e’tibor qaratish muhim. Uning so‘zlariga ko‘ra, agar jamoa barqaror o‘yin ko‘rsatmasa va guruh bosqichidagi o‘yinlarda g‘alaba qozonmasa, turnirning yarim finali yoki finali haqida gap bo‘lishi mumkin emas.
"O‘tgan mavsumdan beri har bir o‘yinni tahlil qilishga harakat qilaman. Guruh bosqichidagi o‘yinlarda g‘alaba qozona olmasangiz, yarim final yoki final haqida o‘ylashingiz mumkin emas. Ertaga musobaqaning eng yaxshi jamoalaridan biri bilan o‘ynaymiz. Biz qo‘limizdan kelgancha harakat qilamiz. O‘yinlarda g‘alaba qozonsangiz, bu o‘zingizga bo‘lgan ishonchni oshirishga yordam beradi," - dedi murabbiy matbuot anjumanida.
