"Liverpul" markaziy himoyachisi Virjil van Deyk "Atletiko"ga qarshi o‘yin oldidan "qizillar" muxlislariga murojaat qildi.
"Sizlar boringizni berishingiz kerak. Sizning qo‘llab-quvvatlashingiz bizga Chempionlar ligasining ko‘plab muhim o‘yinlarida yordam berdi va umid qilamanki, bugun ham shunday bo‘ladi. Keling, "Enfild"ni Yevropada hech bir jamoa bo‘lishni istamaydigan joyga aylantiraylik", - dedi himoyachi "Liverpul" rasmiy saytiga.
Futbolchining so‘zlariga ko‘ra, Arne Slot jamoasi uchun oson bo‘lmaydi, chunki "Atletiko" azaldan dunyoning eng yaxshi klublaridan biri bo‘lib kelgan.
"Mersisaydliklar" bugun, 17 sentyabr kuni o‘z uy stadionida “Atletiko” bilan o‘ynaydi. Uchrashuv soat 23:59da boshlanadi.
